Россиянинг Краснодар шаҳрида Сергей Игоревич Вахрушев хотираси учун VIII халқаро турнир старт олди.

Мусобақада 2003 йилда туғилган болалардан иборат жамоалар ғолиблик учун кураш олиб бормоқда. Турнирдаги илк учрашувини Москванинг “Чертаново” футбол академияси жамоасига қарши ўтказган “Бунёдкор” нафақат ғалабани, балки дурангни ҳам қўлдан чиқарди.

Аввалига Раҳмоналиев ва Тўхтасиновнинг голлари сабабли “қалдирғочлар” ҳисобда олдинга чиқиб олган эди. Аммо ўз иродасини намойиш қилган “чертановцлар” Левиннинг дубли ва Якименконинг голи эвазига мағлубиятни ғалабага айлантиришди - 3:2.

“Бунёдкор” эртага гуруҳдаги иккинчи учрашувини “Динамо-Минск”га қарши ўтказади. Ўйин Тошкент вақти билан 14:15да старт олади.

ХОТИРА ТУРНИРИ

“Чертаново” (Москва, Россия) – “Бунёдкор” (Тошкент, Ўзбекистон) – 3:2

Голлар: Левин (2та), Якименко – Раҳмоналиев, Тўхтасинов.

19 март (сешанба)

14.15 “Бунёдкор” (Тошкент, Ўзбекистон) – “Динамо-Минск” (Беларус)