«Наполи» клуби бош мураббийи Карло Анчелотти Зинедин Зиданнинг «Реал»га қайтгани ҳақида фикр билдириб ўтди.
«Зидан ўзи билиб қайтди ва унинг учун ҳеч қандай хавф кўрмаяпман. Бир неча ойлар давомида тинч бўлади ва бу сокинликнинг аҳамияти жуда ҳам муҳим. Жуда ҳам кам вазиятларда футболда шошмаслик керак!
Ҳозир «Реал»га қайтиш учун яхши палла, чунки унинг барчасини таҳлил қилиш ва кейинги мавсумга тайёрланиш учун қимматли вақти бор.
Мен Зидан ва «Реал»нинг ажойиб жуфтлик деган бўлар эдим. Улар бир-бири учун яратилган.
Мана шунинг учун ҳам мен ҳар икки томон ишлаб кетишига ишонаман. Кейинги мавсум улар Испанияда ҳам, Европада ҳам кураш олиб боришади», - дейди Анчелотти.
