Бельгия терма жамоаси дарвозабони Тибо Куртуа Евро-2020 саралаши доирасида Россияга қарши кечган ўйиндан (3:1) сўнг Денис Черишевнинг голига олиб келган хатоси ҳақида гапирди.
«Фаолиятим мобайнида кўплаб хатолар қилганман деб ўйламайман. Албатта, хато қилар экансан, барибир ғалаба қозонишга умид қиласан.
Ўша вазиятда мен Алдервейрелдга пас бермоқчи бўлдим, бироқ бу ўхшамади. Бироз сусайдим ва рақиб ҳужумчиси мен озгина туртиб юборди. Бу хато эмас, аммо бу менинг айбим билан бўлди.
Бироқ шундан кейинги ўйинимдан қониқдим, ҳотиржамликни сақлай олдим. Мен тўпларни ҳар ёққа тепиб юбормадим. Айтганча, пенальтилик ҳолат мен бошлаб берган қисқа узатмадан кейин юзага келган ҳужумда рўй берди.
Афсус, гол ўтказиб юбордик. Аммо баъзида дарвозабонлар билан шундай бўлиб туради», – дейди Куртуа.
