Суперлиганинг 2-тур учрашувига тайёргарлик кўраётган «Бунёдкор» бугун назорат учрашувини ўтказди.

Қозоғистон чемпионатининг 1-лигаси иштирокчиси Қизилўрданинг “Байконур” клубига қарши майдонга тушган “қалдирғочлар” дурангга имзо чекди. Санжар Риҳсибоев бурчак тўпидан кейин ҳисобни очди. Жамоалар танаффусга шу ҳисобда чиқиб кетишди. Иккинчи бўлимда “Бунёдкор” таркиби сезиларли даражада янгиланди. Бу ўйинга ўз таъсирини ўтказди ва меҳмонлар ҳисобни тенглаштиришди.

Назорат учрашуви

Бунёдкор – Байконур (Қозоғистон) – 1:1

26 март. Тошкент. «Бунёдкор» академияси майдони.

“Бунёдкор”: Муроджон Зуҳуров, Дилшод Аҳмадалиев, Анвар Ғофуров, Бобурбек Фарҳодов, Абубакр Мўйдинов, Жавоҳир Қаҳрамонов, Лутфулла Тўраев, Суҳроб Иззатов, Хуршид Ғиёсов, Жалолиддин Жалолиддинов, Санжар Риҳсибоев.

Захирадан тушганлар: Абдумавлон Абдулжалилов, Владислав Нуриев, Сергей Прохоров, Кемран Нажафалиев, Бурхон Усмонов.

Гол: Санжар Риҳсибоев.