Superliganing 2-tur uchrashuviga tayyorgarlik ko‘rayotgan «Bunyodkor» bugun nazorat uchrashuvini o‘tkazdi.
Qozog‘iston chempionatining 1-ligasi ishtirokchisi Qizilo‘rdaning “Baykonur” klubiga qarshi maydonga tushgan “qaldirg‘ochlar” durangga imzo chekdi. Sanjar Rihsiboyev burchak to‘pidan keyin hisobni ochdi. Jamoalar tanaffusga shu hisobda chiqib ketishdi. Ikkinchi bo‘limda “Bunyodkor” tarkibi sezilarli darajada yangilandi. Bu o‘yinga o‘z ta’sirini o‘tkazdi va mehmonlar hisobni tenglashtirishdi.
Nazorat uchrashuvi
Bunyodkor – Baykonur (Qozog‘iston) – 1:1
26 mart. Toshkent. «Bunyodkor» akademiyasi maydoni.
“Bunyodkor”: Murodjon Zuhurov, Dilshod Ahmadaliyev, Anvar G‘ofurov, Boburbek Farhodov, Abubakr Mo‘ydinov, Javohir Qahramonov, Lutfulla To‘rayev, Suhrob Izzatov, Xurshid G‘iyosov, Jaloliddin Jaloliddinov, Sanjar Rihsiboyev.
Zaxiradan tushganlar: Abdumavlon Abduljalilov, Vladislav Nuriyev, Sergey Proxorov, Kemran Najafaliyev, Burxon Usmonov.
Gol: Sanjar Rihsiboyev.
