1-7 апрель кунлари Россиянинг Анапа шаҳрида бокс бўйича Халқаро тоифадаги спорт устаси Николай Павлюков хотирасига бағишланган халқаро турнир бўлиб ўтади.
2001-2002 йилда таваллуд топган боксчилар ўртасидаги мусобақа "Волейград" спорт мажмуасида бўлиб ўтади. Мусобақада ўзбекистонлик ёш чарм қўлқоп усталари ҳам иштирок этишади.
Терма жамоамиз баҳсларда қуйидаги таркибда қатнашади:
-49 кг: Шаҳзод Муззаффаров
-52 кг: Жасурбек Усмонов
-56 кг: Хуршидбек Расулжонов
-64 кг: Асадхўжа Мўйдинхўжаев
-69 кг: Нурислом Исмоилов
-75 кг: Суҳроб Кайимов
-75 кг: Рустамбек Насриддинов
-81 кг: Шоҳжаҳон Абдуллаев
Мураббийлар: Ҳамид Тангриберганов, Сирожиддин Наимов
Ҳамюртимиз Қаҳрамон Каримов мусобақада ҳакам сифатида иштирок этади.
