2019 йилдан бошлаб Тошкент шаҳри мактабгача таълим муассасалари тарбияланувчиларининг “Кичкинтойлар лигаси”, умумтаълим мактаблари ўқувчиларининг “Мактаблар лигаси”, ўрта махсус касб-ҳунар коллежлари ўқувчиларининг “Ёшлар лигаси” ва Олий таълим муассасалари талабаларининг “Талабалар лигаси” спорт ўйинларини ўтказиш йўлга қўйилади.
Баскетбол, волейбол, гандбол ва мини-футбол турларини ўз ичига олган мазкур спорт анжумани жорий йил январь ойининг 25 санасидан июнь ойининг 10 санасига қадар 4 босқичда ўтади. Мусобақа низоми Тошкент шаҳри жисмоний тарбия ва спорт бошқармаси томонидан тасдиқланган.
Ушбу лойиҳа орқали пойтахтимиздаги барча таълим муассасалари ёшлари қамраб олинади.