2 - 6 апрель кунлари Россиянинг Анапа шаҳрида халқаро тоифадаги спорт устаси Николай Павлюков хотираси бағишлаб ўтказиладиган бокс бўйича XII халқаро турнир бўлиб ўтади.
Унда Ўзбекистон ёшлар терма жамоаси ҳам иштирок этмоқда.Куба, Япония, Таиланд, Ҳиндистон ва Россия каби 17 та давлатдан ташриф буюрган боксчилар иштирок этаётган мусобақада юртимиз шарафини етти вазн тоифасида 8 нафар спортчимиз ҳимоя қилмоқда.
Ушбу мусобақада йўл оладиган делегациямиз таркиби қуйидагича:
– 49 кг: Шахзод Музаффаров
– 52 кг: Жасурбек Усмонов
– 56 кг: Хуршидбек Расулжонов
– 64 кг: Асадхўжа Мўйдинхўжаев
– 69 кг: Нурислом Исмаилов
– 75 кг: Сухроб Кайимов, Рустамбек Насриддинов
– 81 кг: Шохжахон Абдуллаев
Мураббийлар: Сирожиддин Наимов, Ҳамид Тангриберегенов
Турнир ҳакамлар ҳайъатига Ўзбекистондан Қаҳрамон Каримов кирган.
