2018 йил январида "Ливерпул"дан харид қилинган Филиппе Коутиньонинг "Барселона"да омади келмаяпти. Ижтимоий тармоқларда Каталония клуби мухлислари бу омадсизликни футболчи яшаётган уй билан боғлашди.
Сабаби, 2014 йилда бу уйда Сеск Фабрегас яшаган, аммо кейин у "Челси"га ўтди. Фабрегасдан кейин эса бу уйга Томас Вермален келиб жойлашди. Шундан кейин Вермален "Барселона"да фаолияти давомида деярли 5 йилдан бери олмаган жиддий жароҳатга йўлиқди ва 568 кунни даволанишга сарфлади.
Вермалендан кейин уйда яшаш Андре Гомешга насиб этди. "Барселона"нинг омадсиз трансферларидан бирига айланган Гомеш 78 та ўйинда майдонга тушиб, 3 та гол ва 4 та голли узатма қайд этди. У айни дамда "Эвертон" аъзоси.
Қизиғи, Коутиньо уйга келиб жойлашгач, бахтсиз ҳодисага йўлиқди. Орадан бир ой ўтиб уйига ўғри тушди. Ҳозир бу уйда футболчининг оила аъзолари яшамайди.
