Франция чемпионатининг 32-тури доирасида жадвалда пешқадамлик қилаётган жамоалар ўзаро тўқнаш келишди. "Лилль" ўз майдонида "ПСЖ"ни қабул қилди.

Парижликлар мазкур ўйинда дуранг натижа қайд этсалар ҳам, чемпионат тугашига 6та тур қолганида чемпионликни расмийлаштирган бўлардилар. Шу боис бўлса керак, Томас Тухель майдонга асосий таркибни туширди.

Баҳснинг 7-дақиқасида Меньё ўз дарвозасини ишғол қилиб қўйиб, "Лилль"нинг олдинга ўтиб олишини таъминлади. Орадан 4 дақиқа ўтиб Бернат ҳисобни тенглаштирди. Кейин эса "ПСЖ" учун омадсизликлар бошланди. Дастлаб жамоа сардори Тиаго Силва, орадан кўп ўтмасдан Томас Меньё жароҳат олиб майдонни тарк этишди. Баҳснинг 36-дақиқасида эса Бернат яккама-якка вазиятга чиқиб бораётган Николя Пелени сўнгги умид кушандаси сифатида йиқитди. Шунинг учун у майдондан четлатилди.

Иккинчи бўлимда эса "Лилль" рақиб дарвозасини бир эмас, икки эмас, нақ 4 марта ишғол қилиб, ҳисобни 5:1 кўринишига келтириб қўйди.

Шу тариқа, "ПСЖ" чемпионлик масаласини кейинги ўйинга қолдирди. Жамоа 17 апрель кунри 28-турнинг қолдирилган баҳси доирасида "Нант" меҳмони бўлади.

Франция чемпионати, 32-тур
Лилль – ПСЖ 5:1 (1:1, 4:0)
Голлар: 1:0 – 7, автогол Менье, 1:1 – 11 Бернат, 2:1 – 51 Пепе, 3:1 – 65 Бамба, 4:1 – 71 Габриэл, 5:1 – 84 Фонте.
Лилль – Меньян, Челик, Фонте, Сумаоро (Габриэл, 45), Коне, Тиаго Мендес, Шека (Сумаре, 69), Пепе, Иконе (Руй Фонте, 66), Бамба, Реми.
ПСЖ – Ареоля, Дагба, Тиаго Силва (Керер, 16), Кимпембе, Менье (Диаби, 24), Паредес, Верратти, Бернат, Дани Алвес, Дракслер (Курзава, 85), Мбаппе.
Огоҳлантиришлар: Тиаго Мендес (45), Мбаппе (45), Дракслер (77), Верратти (81).
Четлатиш: Бернат (36).