“Қизилқум” – “Қўқон-1912” учрашувидан сўнг меҳмонлар устози Нўъмон Ҳасанов қуйидагича фикр билдириб ўтди:
- Гувоҳи бўлдингиз, иккала жамоа ҳам ёмон ўйин кўрсатмади. Мурод Холмуҳаммедов жарима зарбасидан гол критди ва шу гол эвазига ғалаба қозондик. Ўзи ўйин битта голга қадар давом этадиган кўриниш олганди. Ўйин суръатидан дуранг қайд этиладигандек таассурот уйғонаётган эди. Ўтган учрашувлардаги мағлубиятлардан тўғри хулоса чиқарган ҳолда жамоамиз бугун яхши ўйин намойиш эта олди. Биринчи галда узоқ йўл босиб келган ишқибозларимиздан миннатдормиз. Айнан уларни кўриб, йигитлар майдонда борларини бериб ҳаракат қилишди ва ғалабага эришишди, - деди мутахассис.
