«Манчестер Юнайтед» «Челси»нинг ёш ҳимоячиси Рис Жеймсга қизиқиш билдирмоқда.
Daily Mail`нинг хабар беришича, манкунианликлар ҳозирда «Уиган»да ижара асосида ўйнаётган 19 ёшли футболчининг ўйинларини кузатиб боришмоқда ва ёзда уни сотиб олиш имкониятларини чамалаб кўришмоқда. Трансфер суммаси 15 млн фунтни ташкил этиши мумкин.
Қўшимча қилинишича, Риснинг 17 ёшли синглиси ўтган йили «Арсенал»дан «Юнайтед» сафига ўтиб, бу мавсум аёллар чемпионатида 16 ўйинда 13та гол урган. Жеймс эса апрель ойида Чемпионшипнинг иккита ўйинида энг яхши футболчи деб топилди.
