Бангкок шаҳрида бокс бўйича навбатдаги Осиё чемпионати ўз поёнига етиб бормоқда. Бироз аввал мусобақанинг сўнгги куни доирасида терма жамоамизнинг яна бир вакили Бобо-Усмон Батуров -69 кг вазн тоифасида финал жангини ўтказди.
Япониялик Севонретс Оказавага қарши рингга кўтарилган ҳамюртимиз жангда ўз устунлигини намойиш қилди ва ютуқларига орасига қитъа чемпионлигини ҳам қўшиб қўйди.
Шу тариқа йигитларимиз финалларда 100 фоизлик натижа қайд этишмоқда. Эслатиб ўтамиз, бироз аввал терма жамоамизнинг енгил вазндаги вакиллари Нодир Мирзаҳмедов (-49 кг) ҳамда Миразизбек Мирзаҳалилов (-56 кг) ҳам финални муваффақиятли ўтказишган эди. Бироздан сўнг оғир вазнли боксчиларимиз ҳам рингга чиқишади:
-91 кг: Санжар Турсунов (Ўзбекистон) – Хёнг Кю Ким (Жанубий Корея)
+91 кг: Баҳодир Жалолов (Ўзбекистон) – Камшибек Конкабаев (Қозоғистон)