Bangkok shahrida boks bo‘yicha navbatdagi Osiyo chempionati o‘z poyoniga yetib bormoqda. Biroz avval musobaqaning so‘nggi kuni doirasida terma jamoamizning yana bir vakili Bobo-Usmon Baturov -69 kg vazn toifasida final jangini o‘tkazdi.
Yaponiyalik Sevonrets Okazavaga qarshi ringga ko‘tarilgan hamyurtimiz jangda o‘z ustunligini namoyish qildi va yutuqlariga orasiga qit’a chempionligini ham qo‘shib qo‘ydi.
Shu tariqa yigitlarimiz finallarda 100 foizlik natija qayd etishmoqda. Eslatib o‘tamiz, biroz avval terma jamoamizning yengil vazndagi vakillari Nodir Mirzahmedov (-49 kg) hamda Mirazizbek Mirzahalilov (-56 kg) ham finalni muvaffaqiyatli o‘tkazishgan edi. Birozdan so‘ng og‘ir vaznli bokschilarimiz ham ringga chiqishadi:
-91 kg: Sanjar Tursunov (O‘zbekiston) – Xyong Kyu Kim (Janubiy Koreya)
+91 kg: Bahodir Jalolov (O‘zbekiston) – Kamshibek Konkabayev (Qozog‘iston)