"Ливерпуль" ўз расмий сайти орқали ЕЧЛ яримфинали биринчи ўйини олдидан клуб мухлисларининг Барселона шаҳрида қилмишларига баҳо берди.
"Клуб Мерсисайд полицияси ва Испания органлари билан ишламоқда ва воқеада қатнашган одамларни аниқлашга уринмоқда. Бундай воқеаларга мутлақо йўл қўйиб бўлмайди ва у кишиларнинг қилмишлари шундай қолдирилмайди.
Шарҳ беришга эрта, чунки суриштирув ишлари давом этмоқда. Шуни таъкидлаймизки, клуб бу каби воқеаларга нисбатан қонуний чора кўрилишини истайди", - дейилади баёнотда.
Аввалроқ "Ливерпуль"нинг олти ишқибози Барселонадаги отеллардан бирининг ходимларига ҳужум қилганлари учун ҳибсга олингани хабар қилинган эди. Бошқа бир гуруҳ мухлислар шаҳар майдонларининг бирида жойлашган фавворага ўткинчи кишиларни туртиб, аҳлоқсизлик қилишган.
