"Liverpul" o‘z rasmiy sayti orqali YECHL yarimfinali birinchi o‘yini oldidan klub muxlislarining Barselona shahrida qilmishlariga baho berdi.
"Klub Mersisayd polisiyasi va Ispaniya organlari bilan ishlamoqda va voqeada qatnashgan odamlarni aniqlashga urinmoqda. Bunday voqealarga mutlaqo yo‘l qo‘yib bo‘lmaydi va u kishilarning qilmishlari shunday qoldirilmaydi.
Sharh berishga erta, chunki surishtiruv ishlari davom etmoqda. Shuni ta’kidlaymizki, klub bu kabi voqealarga nisbatan qonuniy chora ko‘rilishini istaydi", - deyiladi bayonotda.
Avvalroq "Liverpul"ning olti ishqibozi Barselonadagi otellardan birining xodimlariga hujum qilganlari uchun hibsga olingani xabar qilingan edi. Boshqa bir guruh muxlislar shahar maydonlarining birida joylashgan favvoraga o‘tkinchi kishilarni turtib, ahloqsizlik qilishgan.
