“Пахтакор” – “Металлург” учрашувидан сўнг меҳмонлар устози Андрей Шипилов қуйидагича фикр билдириб ўтди: 

- Яхши ўйин бўлди. Биз муносиб ўйин намойиш этдик. Фақатгина гол ургандан сўнг футболчиларимиз уларга тайёргарликлар жараёнида тушунтирилганидек ҳаракат қилишмади. Айниқса, ҳамиша бизнинг жамоамиз билан ўйинларда жуда муваффақиятли ўйнайдиган рақиб сафидаги 9-рақамдаги футболчи позициясидаги менинг ўйинчиларимга нима қилиш лозимлигини майдонда ҳам, видеомашғулотларда ҳам тушунтирган эдим. Лекин жуда оддий хатолар эвазига жазоландик. Иккинчи бўлимда эса рақиб жисмонан анча толиқиб қолди. Лекин барибир якунда ғалаба уларга насиб этди. Нима ҳам дердим, рақибни ғалаба билан табриклайман. “Пахтакор”га ОЧЛ учрашувида омад тилайман, - деди мутахассис.