Испания чемпионатининг 36-тури доирасида «Барселона» Вигода «Сельта» клуб меҳмони бўлди.

Каталонияликлар муддатидан аввал Испания чемпионлигини қўлга киритиб бўлгани боис, "Ливерпуль"га қарши муҳим ўйин олдидан Эрнесто Вальверде етакчи футболчиларга дам берди. Боз устига, ўйин бошидаёқ Усмон Дембеле жароҳат олиб, майдонни тарк этди. Мураббий унинг ўрнига Коутиньони эмас, бошқа ёш футболчини туширишга қарор қилди.

Биринчи бўлимда хавфли вазият деярли юзага келмаган бўлса ("Сельта"нинг голи VAR орқали бекор қилинди), иккинчи бўлимда мезбонлар иккита гол уришга муваффақ бўлишди. Дастлаб тайм ўрталарида ҳимоядаги тартибсизлик туфайли Макси Гомес рақиб дарвозасини ишғол қилган бўлса, ўйин сўнгида ҳакам VAR ёрдамида "Барселона" дарвозасига пенальти белгилади. Жамоа тўпурари Яго Аспас 11 метрли жарима зарбасидан унумли фойдаланди.

Ушбу ғалабадан кейин "Сельта" ўз очколарини 40тага етказиб, жадвалда хавфли ҳудуддан бироз узоқлашди.

Испания Ла лигаси, 36-тур
Сельта – Барселона 2:0 (0:0, 2:0)
Голлар: 1:0 – 67 Макси Гомес, 2:0 – 88, пенальти Аспас.
Сельта – Бланко, Мальо, Кабраль, Араухо, Оласа, Йокушлу, Лоботка, Будебуз (Хосабед, 85), Буфаль (Браис Мендес, 71), Аспас, Макси Гомес (Бельтран, 90).
Барселона – Силлессен, Ваге, Вермален, Умтити, Малком, Артур (Видаль, 62), Дембеле (Кольядо, 6), Аленья, Боатенг, Пуч, Тодибо (Мурильо, 68).
Огоҳлантиришлар: Вермален (14), Умтити (29), Буфаль (31), Тодибо (55), Боатенг (72), Видаль (79).