Ўтган йилнинг ноябрь ойида номаълум шахслар ММА курашчиси Мурод Хонтўраевга ҳужум қилганлари маълум қилинган эди. Бунинг оқибатида спортчи шифохонага ётқизилган.
12 апрель куни эса мазкур ҳодиса юзасидан суд ишлари бошланди. Аниқланишича, ҳужум қилган 7 нафар инсоннинг 6 нафари аввал судланган бўлган ва уларнинг барчаси қўлга олинган. Бу ҳақда Worldnews ахборот агентлиги хабар бермоқда.
Ниқобли кимсалар томонидан амалга оширилган ҳужумга сабаб спортчи уларнинг таниши Фурқат Тешабоевни AURUM 898 клуби ёнида дўппослагани бўлган.
Улар ўз ҳужумларини бир неча кун давомида режалаштирганлар, Чорсу бозоридан қора ниқоб ва махсус кийимлар сотиб олишган. Уларнинг қўлларида эса темир трубалар, пичоқ ҳамда пневматик пистолет ҳам бўлган.
