O‘tgan yilning noyabr oyida noma’lum shaxslar MMA kurashchisi Murod Xonto‘rayevga hujum qilganlari ma’lum qilingan edi. Buning oqibatida sportchi shifoxonaga yotqizilgan.

12 aprel kuni esa mazkur hodisa yuzasidan sud ishlari boshlandi. Aniqlanishicha, hujum qilgan 7 nafar insonning 6 nafari avval sudlangan bo‘lgan va ularning barchasi qo‘lga olingan. Bu haqda Worldnews axborot agentligi xabar bermoqda.

Niqobli kimsalar tomonidan amalga oshirilgan hujumga sabab sportchi ularning tanishi Furqat Teshaboyevni AURUM 898 klubi yonida do‘pposlagani bo‘lgan.

Ular o‘z hujumlarini bir necha kun davomida rejalashtirganlar, Chorsu bozoridan qora niqob va maxsus kiyimlar sotib olishgan. Ularning qo‘llarida esa temir trubalar, pichoq hamda pnevmatik pistolet ham bo‘lgan.