Пойтахтимизда академик лицей, коллеж ва мактабларда таҳсил олувчи ўқувчилар ўртасида бўлиб ўтган енгил атлетика бўйича Ўзбекистон чемпионати якунланди.   Беллашувлар доирасида спортчиларнинг айримлари спорт устаси нормативини бажаришга ҳам муваффақ бўлишди.   Таъкидлаш жоиз, мазкур мусобақа ғолибларга олий ўқув юртига имтиёзли йўлланма бериши билан аҳамиятли эди.   Миллий олимпия қўмитаси тақдим этган рўйхатда олий ўқув юртига кириш йўлланмасини қўлга киритган 10 нафар атлетнинг номини кўришингиз мумкин.   100 метр, тўсиқлар оша: Хуршидабону Холлиева (Сурхондарё) – 14.67   110 метр, тўсиқлар оша: Раҳмонжон Итолмасов (Қашқадарё) – 14.81   400 метр, қизлар: Фотима Бобоқулова (Навоий) – 56.14   400 метр, йигитлар: Бобур Каримбоев (Хоразм) – 49.35   100 метр, қизлар: Виктория Левина (Тошкент) – 12.66   100 метр, йигитлар: Шоҳрух Ўткиров (Самарқанд) – 11.34   1500 метр, қизлар: Вероника Гришина (Сурхондарё) – 4:37.28   1500 метр, йигитлар: Виктор Цуренко (Сирдарё) – 4:07.88   10000 метр, қизлар: Азизахон Мирзакбарова (Андижон) – 35:03.83   10000 метр, йигитлар: Ойбек Маматқулов (Андижон) – 32:35.82   Эслатиб ўтамиз, аввалроқ Жисмоний тарбия ва спорт вазирлиги матбуот хизмати ҳам олий ўқув юртига имтиёзли равишда қабул қилинувчи 18 нафар спортчи номини маълум қилган эди.