9 май – Хотира ва кадрлаш кунига бағишлаб 3-4 май кунлари Ўзбекистон Мудофаасига кўмаклашувчи “Ватанпарвар” ташкилотининг Наманган вилояти бўлимига қарашли ўқ отиш тирида ёшлар ўртасида пневматик милтиқдан ўқ отиш бўйича мусобақа ўтказилди.   Унда жами 176 нафар спортчи ғолиблик учун баҳс олиб борди. Иштирокчиларнинг 91 нафарини ўғил болалар, 85 нафарини эса қизлар ташкил қилди. Мусобақада 8 ёш ва ундан катта спортчилар иштирок этди.   Қизғин ва муросасиз кечган баҳслар якунига кўра 1-ўринни вилоят техник ва амалий турлари маркази жамоаси, 2-ўринни эса Наманган шаҳар жамоаси ҳамда фахрли 3-ўринни Чортоқ тумани жамоаси қўлга киритди.   Мусобақа ғолибларини тақдирлаш маросимида ҳамкор давлат ва жамоат ташкилотлари вакиллари иштирок этди. Ғолибларга “Ватанпарвар” ташкилотининг эсдалик совғалари ҳамда фахрий ёрлиқлар топширилди.