Ушбу ҳафта охирида CocaCola Суперлигада 8-тур учрашувлари бўлиб ўтади.
Турнинг марказий қарама-қаршилигида мамлакатимизнинг икки гранд клублари – “Пахтакор” ва “Навбаҳор” тўқнаш келади. Ушбу баҳсда мезбонлар – “шерлар” анъанавий сариқ-кўк футболка, кўк шорти ва кўк гетриларда ҳаракат қилишади. “Лочинлар” эса қизил-қизил-қизил спорт либосларида майдонга чиқишади.
Таъкидлаш жоиз, “Пахтакор” — “Навбаҳор” баҳси 11 май, шанба куни соат 19:45да “Пахтакор” стадионида бўлиб ўтади.