Европа чемпионлар лигасининг иккинчи ярим финал баҳси ҳам драматизм борасида кечагисидан қолишмади. Биринчи бўлимда "Аякс" иккита гол уриб, иккита ўйин натижасига кўра 3:0 ҳисобида олдинга чиқиб олганди. "Тоттенхэм" эса иккинчи таймда 3та гол уриб, сафарда урилган голлар эвазига финал йўлланмасини қўлга киритди. Фантастика! Ҳақиқий драма!

Ўйиндан кейин барча йиғлади. "Тоттенхэм" мураббийлари ва футболчилари қувончдан, "Аякс" болакайлари эса аламдан... Амстердамликлар финалга чиқиши учун 1 сония вақт қолганди-я...

Европа чемпионлар лигаси, ярим финал, жавоб ўйини
Аякс Голландия – Тоттенхэм Англия 2:3 (2:0, 0:3)
Голлар: 1:0 – 5 де Лигт, 2:0 – 35 Зиеш, 2:1 – 55 Лукас Моура, 2:2 – 59 Лукас Моура, 2:3 – 90 Лукас Моура.
Аякс – Онана, Блинд, де Лигт, Тальяфико, Мазрауи, Шене (Велтман, 60), де Йонг, ван де Бек (Магальян, 90), Зиеш, Тадич, Дольберг (Синкгравен, 67).
Тоттенхэм – Льорис, Алдервейрелд, Роуз (Дэвис, 82), Триппьер (Ламела, 81), Вертонген, Алли, Ваньяма (Льоренте, 46), Лукас Моура, Сиссоко, Эриксен, Сон Хын Мин.
Огоҳлантиришлар: Сиссоко (16), Дольберг (50), Роуз (76), Зиеш (77), Онана (90).