"Аякс" ҳимоячиси ва сардори Маттейс де Лигт Чемпионлар лигаси ярим финалининг "Тоттенхэм"га қарши ўйиндан сўнг фикрлари билан ўртоқлашди.
"Ҳакам ўйин тугашига бир дақиқа қолганини айтган эди ва биз курашишда давом этишимиз кераклигини билардик.
Биз финалга чиқиб бўлдик, деб ўйлагандик. Лекин ундай бўлмади. Ўйин жуда узоқ давом этди, беш сония ортиқчалик қилди.
Худди оёғимиз остидаги ер йўқ бўлиб қолгандек туюлди. Финалга жуда яқин эдик...
Табиийки, кийим алмаштириш хонасида ўлик сукунат ҳукмрон эди. Бу қанчалик аламли бўлмасин, биз фантастик йўлни босиб ўтдик. Биз ҳали чемпион бўла оламиз.
"Тоттенҳэм" жуда шиддатли ўйин кўрсатди, бу эса бизга кўп муаммо туғдирди, айниқса иккинчи бўлимда. Улар бизга шунчалар босим ўтказишганига ишонгимиз келмаяпти", – деди де Лигт.
