"Ayaks" himoyachisi va sardori Matteys de Ligt Chempionlar ligasi yarim finalining "Tottenxem"ga qarshi o‘yindan so‘ng fikrlari bilan o‘rtoqlashdi.
"Hakam o‘yin tugashiga bir daqiqa qolganini aytgan edi va biz kurashishda davom etishimiz kerakligini bilardik.
Biz finalga chiqib bo‘ldik, deb o‘ylagandik. Lekin unday bo‘lmadi. O‘yin juda uzoq davom etdi, besh soniya ortiqchalik qildi.
Xuddi oyog‘imiz ostidagi yer yo‘q bo‘lib qolgandek tuyuldi. Finalga juda yaqin edik...
Tabiiyki, kiyim almashtirish xonasida o‘lik sukunat hukmron edi. Bu qanchalik alamli bo‘lmasin, biz fantastik yo‘lni bosib o‘tdik. Biz hali chempion bo‘la olamiz.
"Tottenhem" juda shiddatli o‘yin ko‘rsatdi, bu esa bizga ko‘p muammo tug‘dirdi, ayniqsa ikkinchi bo‘limda. Ular bizga shunchalar bosim o‘tkazishganiga ishongimiz kelmayapti", – dedi de Ligt.
