Маълумки, 18 май куни Германия чемпионатининг сўнгги тур ўйинлари ўтказилади ва шу куни жорий мавсум чемпиони номига ойдинлик киритилади.
Айни вақтда Мюнхеннинг «Бавария» клуби (75 очко) ва Дормунднинг «Боруссия»си (73 очко) Бундеслиганинг бош соврини учун курашмоқда.
Bild нашрининг хабарига кўра, Бундеслига чемпионига топшириладиган соврин – «кумуш товоқ»нинг ҳақиқийси Мюнхенга олиб борилади. Бу ерда «Бавария» «Айнтрахт» билан куч синашади.
«Боруссия» (Дормунд) эса сафарда ўз «адаши» - Менхенгладбахнинг «Боруссия»га қарши майдонга тушади ва бу ўйинда «кумуш товоқ»нинг нусхасидан фойдаланилади.
Сўнгги турда вазият дормундликлар томонига оғиб, «Боруссия» чемпион бўлса, жамоага совриннинг нусхаси топширилади ва кейинроқ у ҳақиқийсига алмаштириб берилади. Таъкидлаш лозим, айни пайтда чемпионликка даъвогар икки жамоани атиги икки очко ажратиб турибди.
