Мадрид клуби ёзда таркибни кескин кучайтириш учун маблағга эҳтиёж сезмоқда.
Маълумотларга қараганда, "Реал" "ПСЖ" ҳужумчиси Килиан Мбаппени сотиб олишга тайёргарлик кўряпти. Бунинг учун эса жамоа бир нечта футболчисидан воз кечишига тўғри келади.
"El Chiringuito" манбасининг ёзишича, "қироллик клуби" президенти Флорентино Перес "Олтин тўп"нинг амалдаги соҳиби Лука Модрич билан хайрлашишга тайёр. Агар 33 ёшли ярим ҳимоячи учун қулай таклиф тушса, "Реал" Модрични сотиб юборади.
Бундан ташқари, "қаймоқранглилар" раҳбарияти Мбаппе трансферига Модрични қўшишга ҳам қарши эмас агар "ПСЖ" хорватиялик футболчига қизиқиш билдирса. Сўнгги хабарларга қараганда, Мбаппе "Реал"га 280 млн еврогача тушиши мумкин.
