Евро футбол оламидаги энг сўнгги янгиликлар билан таништириб боришда давом этамиз.

Алексис Санчес мухлисларидан узр сўради

Чилилик футболчи АПЛнинг сўнгги тури якунлангач, мухлислардан узр сўраб ўз ижтимоий тармоқларида пост қолдирди. Унда қуйидаги сўзлар келтирилган эди:

Биз бу мавсумни жуда ёмон ўтказдик ва мухлислардан узр сўрашга мажбурмиз. Мен жароҳатларим туфайли бу мавсум майдонда  кўнгилдагидек ҳаракат қила олмадим. Мен ҳақимда ОАВ ёзган ҳамма гаплар ҳам ҳақиқат эмас.  Мен бу мавсумдаги суст ўйинларим учун сизлардан узр сўрайман…
«Манчестер Юнайтед» бир кун келиб албатта аввалги даражасига, Фергуссонинг даврларидаги кўринишига қайтади!

Мавсум якунлангач Испаниянинг «Марcа» нашри Серҳио Рамос билан кичик интервьюни эълон қилди. Уни сайтимиз ўқувчиларига илиндик.

Биз учун жуда оғир ўтган мавсум ўз якунига етганидан хурсандман. Кейинги мавсумни сабрсизлик билан кутмоқдаман.  Мавсумлар орасида бизни оғир синовлар кутиб турибди. Биз энди ўз таркибимизни ва ўйин услубимизни ривожлантирган ҳолда мухлисларимиз хоҳлаган жамоага айланишимиз даркор! «Реал» бу «қироллик клуби» дегани! Биз бу юқори номга лойиқ бўлишимиз шарт! Ўйлашимча, Зидан ўз ишини яхши билади, жамоа учун керакли ўйинчиларни «Реал Мадрид»га олиб келади ва бизни аввалги даражага олиб чиқа олади! Роналдуга келадиган бўлсак, унинг йўқлиги бизга ўз таъсирини ўтказмай қолмади. У бор пайтлари бизда муаммолар йўқ эди. Унинг қайтишини хоҳлайсизми? Роналдудек футболчи клубингда тўп суришини ким ҳам хоҳламайди дейсиз? Шунга қарамасдан, ўйлашимча у ортга қайтмайди. Қайтган тақдирда ҳам воқеалар ривожи қандай бўлишини тахмин қилишнинг иложи йўқ!