Европа футболи трансфер ойнаси очилишига оз фурсат қолгани сари янгиликлар кўпайганидан кўпаймоқда. Бугун эътиборингизга куннинг энг муҳим янгиликларини тақдим этамиз.
Иско «Реал Мадрид»да қолмайдиган кўринади
«Реал Мадрид» клуби ўзининг трансфер ҳаридларини амалга ошириш мақсадида бу мавсумда раҳбарият томонидан ажратилган пулларга ҳам қониқмай, ўз футболчисини сотиш фикридан қайтмаяпти. Бундан аввал клуб Искони олиб қолиш мақсадида эди. Эндилкда режалар ўзгарди ва «қиролик клуби» ўз футболчисини трансфер ойнаси очилиши билан сотиб юбормоқчи. Унга Манчестер шаҳрининг икки клуби даъвогар бўлиб турибди. Воқеалар ривожи қандай якунланишидан қатъий назар, клуб Погба ёки Эриксонни қўлга киритиш учун Искони сотиб юборишни режалаштирган. Унинг трансфер суммаси таҳминан 120 миллион еврони ташкил этади.
«Милан» афсонаси ортга қайтмоқчи
Кака Италия супер клубининг сўнгги бор кўҳна қитъада порлаган даврларида клубдан кетган бўлсада, яна ортга қайтгани ва жонажон клубида тўп сурганидан хабарингиз бор. У август ойида халқаро мененжмент факультетидаги ўқишини якунлайди ва собиқ клубида иш бошлаш ниятида. Унинг ўзи «Скй спорт» нашрига берган интервьюсида бу борада очиқчасига баёнот берган ва клуб хоҳласа «Милан» спорт директори сифатида иш бошлаши мумкинлигини гап орасида қўшиб ўтган. Ҳозирда Бразилиялик собиқ футболчи АҚШда истиқомат қилиб таҳсил олмоқда.
Гвардиола ва Роналду машмашаси
Италия нашрлари «Ювентус» клубини Гвардиола бошқариши ҳақидаги маълумотлар тарқатганидан хабарингиз бор. «Скй спорт Италия» ва «Радио спорт» нашрларининг хабар беришича, Роналду испаниялик мураббийнинг «Ювентус»да иш бошлашидан норози ва унинг келиши Турин супер клубининг ишларини ривожлантириб юборшига шубҳаси борлигни яшириб ўтирмаяпти. Бу воқеалардан эса «ПСЖ» унумли фойдаланиб қолиш ниятида. Парижликлар Мбаппени «Реал Мадрид»га сотиб юборадиган бўлишса, зудлик билан Роналдуни ҳарид қилиш нийятидалар. Кришнинг тахминий нархи 140 миллион атрофида баҳоланмоқда. «ПСЖ» ЕЧЛда ғолиб бўлиш учун ўзининг супер юлдузидан воз кечиши ҳам ҳеч гап эмас. Воқеалар қизигандан қизимоқда…
