Спорт таҳлили билан шуғулланадиган халқаро компания — "Opta" А сериянинг жорий мавсумдаги рамзий терма жамоасини тузди.

Терма жамоага "Наполи" ва "Аталанта"дан учтадан футболчи киритилган бўлса, "Ювентус"нинг иккита футболчиси лойиқ кўрилди. Шунингдек, "Интер", "Лацио" ва "Рома"дан биттадан футболчи рамзий термадан жой олди. Қизиғи, туринликлар етакчиси Криштиану Роналду рамзий термага киритилмади.

Дарвозабон: Самир Ханданович («Интер»).

Ҳимоячилар: Жоау Канселу («Ювентус»), Калиду Кулибали («Наполи»), Франческо Ачерби («Лацио»), Александар Коларов («Рома»).

Ярим ҳимоячилар: Алехандро Гомес («Аталанта»), Миралем Пьянич («Ювентус»), Фабиан Руис («Наполи»).

Ҳужумчилар: Йосип Иличич, Дуван Сапата (иккаласи ҳам «Аталанта»), Дрис Мертенс («Наполи»).

Маълумот учун, Роналду якунланган мавсумда 31 та ўйинда 21 та гол урди ва 11 та голли узатмани амалга оширди.