24-26 май кунлари Қирғизистоннинг Бишкек шаҳрида от спорти бўйича Жаҳон кубогининг Марказий Осиё лигаси бўлиб ўтди. 3 кун давом этган қизиқарли мусобақада терма жамоамиз вакиллари 4 та олтин, 5 та кумуш ва 4 та бронза медалларини жамғаришди. Энг муҳими, мусобақанинг якунловчи кунида асосий йўналишдаги олтин ва бронза медаллари ҳамюртларимиз Ғайрат Назаров ҳамда Умид Комиловга насиб этди. Батафсил:

1-кун:
Конкур N 1 (тезкор) – Тўсиқлар баландлиги – 130 см.
1. Ержан Корабай (Қозоғистон)
2. Абдураҳмон Абдуллаев (Ўзбекистон)
3. Иброҳим Шокиров (Ўзбекистон)

Конкур N 2 (икки тўсиқ) – Тўсиқлар баландлиги – 120-130 см.
1. Саидамирхон Турғунбаев (Ўзбекистон)
2. Оқил Собиржонов (Ўзбекистон)
3. Бекзод Қурбонов (Ўзбекистон)

2-кун:
Конкур N 3 Миллатлар кубоги (жамоавий) – тўсиқлар баландлиги – 120-130 см.
1. Ўзбекистон (Саидамирхон Турғунбоев, Абдураҳмон Абдуллаев, Ғайрат Назаров, Оқил Собиржонов)
2. Қирғизистон
3. Қозоғистон

Конкур N 4 – Тўсиқлар баландлиги – 140 см.
1. Александр Тишков (Қозоғистон)
2. Камиль Сабитов (Қирғизистон),
Саидамирхон Турғунбоев (Ўзбекистон) ва
Оқил Собиржонов (Ўзбекистон)
(уч иштирокчида бир хил натижа)

Конкур N 5 – Тўсиқлар баландлиги – 120 см.
1. Темур Азизов (Ўзбекистон)
2. Саидамирхон Турғунбоев (Ўзбекистон)
3. Бекзод Қурбонов (Ўзбекистон)

3-кун:
Конкур N 6
FEI World Cup GranPrix – Тўсиқлар баландлиги – 140-160 см.
1. Гайрат Назаров (Ўзбекистон)
2. Камиль Сабитов (Қирғизистон)
3. Умид Комилов (Ўзбекистон)

Мусобақада спортчи сифатида иштирок этган Ўзбекистон замонавий бешкураш федерацияси раиси Баҳромжон Газиев сафар давомида Қирғизистон бешкураш федерацияси билан ўзаро ҳамкорлик борасида меморандум имзолади.