Олдинроқ "Барселона" "Атлетико" ҳужумчиси Антуан Гризманнинг трансферидан воз кечгани ҳақида хабар бергандик. Буни қарангки, Каталония клуби Неймарни сотиб олиш фикридан ҳам қайтган.
"Diario Sport" нашрига кўра, Каталония клуби трансфер амалга ошишига ишонмаяпти. Биринчидан, клуб раҳбарияти Неймарни сотишни умуман истамаётган "ПСЖ" раҳбарияти билан келиша олишига кўзи етмаяпти. Қолаверса, "Барселона" Неймарни сотиб олиши учун бир нечта футболчисидан воз кечишига тўғри келади. Бундан ташқари, Неймар Каталония клубига ўтса, маоши камайишига рози бўлиши керак, бу ҳам бир муаммо.
Манбанинг ёзишича, юқоридаги сабаблар туфайли "Барселона" ҳозирча Неймар вариантини бир четга суриб қўйган.
