Oldinroq "Barselona" "Atletiko" hujumchisi Antuan Grizmanning transferidan voz kechgani haqida xabar bergandik. Buni qarangki, Kataloniya klubi Neymarni sotib olish fikridan ham qaytgan.
"Diario Sport" nashriga ko‘ra, Kataloniya klubi transfer amalga oshishiga ishonmayapti. Birinchidan, klub rahbariyati Neymarni sotishni umuman istamayotgan "PSJ" rahbariyati bilan kelisha olishiga ko‘zi yetmayapti. Qolaversa, "Barselona" Neymarni sotib olishi uchun bir nechta futbolchisidan voz kechishiga to‘g‘ri keladi. Bundan tashqari, Neymar Kataloniya klubiga o‘tsa, maoshi kamayishiga rozi bo‘lishi kerak, bu ham bir muammo.
Manbaning yozishicha, yuqoridagi sabablar tufayli "Barselona" hozircha Neymar variantini bir chetga surib qo‘ygan.
