Бугун 1-июнь «Халқаро болалар куни» байрамига байрам тариқасида «Истиқлол» футбол клуби жамоаси «Мурувват уйи»га совғалар билан ташриф буюришди. Болалар кўзидаги севинчни кўриб, футболчиларда ҳам таассуротлар ўзгача бўлди.
- Рости болаларни ҳурсанд кўриб биз ҳам хурсанд бўлдик. Бу ерда ҳамма шароитлар бор. Уларга эътибор билан қараётган ва меҳр бераётган тарбиячиларига раҳмат айтамиз. Президентимиз шундай шароитларни яратиб берганидан хурсандмиз. Бугунги байрам билан барча болаларни табриклаймиз! - дейди Абдуҳолиқ Қурбонов.
Буни оммага тақдим этишдан мақсад нима? Мақсад, қолганларни ҳам эзгу ишларга чорлаш! Аҳир Ватанимизда меҳрга интиқ бўлган қалблар қанча. Улардан озгина бўлсада эътиборни аямайлик! Зеро, миллатимиз болажон ва меҳрибон ҳалқ!
“Истиқлол" матбуот хизмати
