Рамазон ҳайити байрами муносабати билан қисқа дам олишга чиққан Бекободнинг “Металлург” жамоаси ўйинчилари бугун йиғинга киришади. Қибрай ўқув-машғулот масканида 16 июнь санасида Суперлиганинг 11-тури доирасидан ўрин эгаллаган “Андижон”га қарши ўйинга тайёргарлик бошланади.
Мазкур йиғинда жамоа таркибида фақат Ўзбекистон олимпия терма жамоасига чақирилган Иброҳим Йўлдошев бўлмайди. Икки кун муқаддам ўзининг 20-баҳорини қаршилаган Иброҳим Йўлдошев 9 июнь ва 11 июнь саналарида водийда – Андижон ва Наманган шаҳарларида Мисрга қарши ўтказиладиган ўйинларда Любинко Друлович қўл остида майдонга чиқиши кутиляпти. Биз Иброҳимни таваллуд айёми билан табриклаган ҳолда Ўзбекистон олимпия терма жамоаси таркибидан муқим ўрин олишини тилаб қоламиз.
Қолган барча футболчиларимиз эса бугун Андрей Шипилов ихтиёрига етиб келишади.
"Металлург" матбуот хизмати.
