Ушбу рукнимиздаги янгиликлар билан ўртоқлашишда давом этамиз. Бугун эътиборингизга энг муҳим ва қизиқ янгиликларни тақдим этамиз.
Жозе Моуриньо ишини соғинмоқда
Португалиялик мутахассис янги таклифлар учун очиқ эканлигини маълум қилди. Энди Жозе ўзини янгича услубда синаб кўриш мақсадида. «Марcа» нашрининг хабар беришича Беназир энди ўзини терма жамоа устози сифатида кўрмоқда. У қитъа чемпионатлари ва мундиалда ўз кучини синаб кўриш ниятида. Жозе ярим ҳазил ярим чин билан Португалия терма жамоаси устози сифатида жон деб ишлашини қўшимча қилиб айтган.
«Ливерпул»га марказий ҳимоячи керак!
Юрген Клопп ҳимояни кучайтириш мақсадида Де Лигтни ҳарид қилиш нийятида эканлигини бундан аввалги хабарларимизда эълон қилган эдик. Футболчи учун курашга «ПСЖ» киришгач, қолган клубларда имкон деярли қолмади. Энди «Ливерпул» бор эътиборини «Наполи» клуби ҳимоячиси Кулибалийга қаратади деб хабар бермоқда «Ит Матино» нашри. Агарда бу трансфер амалга ошадиган бўлса, Сенегаллик ҳимоячиси энг қиммат ҳимоячига айланиши мумкин. Манбаанинг хабар беришича, «Ливерпул» ҳимоячи учун 90 миллион таклиф қилади. Италия клуби эса ҳимоячиси учун 150 миллион атрофида пул ишлаб олиш нийятида юрибди.
«Манчестер Юнайтед»га «Вест Ҳем» ҳимоячиси керак
“«Қизил иблислар» «Вест Ҳем» ҳимоячиси Исса Диопнинг «ишқида ёнмоқда» ”, - дея хабар бермоқда «The Sun» нашри. Унда айтилишича, «Манчестер Юнайтед» 22 ёшлик французни қўлга киритиш учун трансфер суммасининг бир қисмига Фил Жонсни ҳам қўшиб беришни режа қилмоқда. Диопнинг ўзи бошқа клубга ўтишга қарши эмас, бироқ унинг Лондон клуби билан тузган шартномаси туфайли клубда қолишга мажбур. «Вест Ҳем» ўз ҳимоячисини сотиб юборишни истамаяпти. Воқеалар ривожи қандай якунланишини кузатишда давом этамиз.
Зидан Неймар учун Казиморони беришга тайёр
«Marcа» нашрининг хабар беришича Зайниддин Зидан ўз жамоасида Неймарни кўриш мақсадидан қайтмаяпти. Зидан уни қўлга киритиш учун раҳбариятдан пул ажратилишини илтимос қилган. Париж клуби ўз юлдузини 220 миллиондан камига қўйиб юбормоқчи эмас. Айнан шу сабабли, Зидан Казимирони шартноманинг бир бандига киритиш орқали трансфер суммасининг камияшига эришмоқчи. Хозирда «ПСЖ» сифатли марказий ярим ҳимоячининг ҳизматларига муҳтож. Казиморо «ПСЖ» учун ажойиб танлов бўлиши мумкин. «ПСЖ» раҳбарлари эса, Неймарнинг ички муҳитни бузаётгани учун уни сотиб юборишни режалаштирмоқда. «Реал Мадрид» Неймарни сотиб оладиган бўлса, Погба трансферидан воз кечади ва Искога марказий зонани ишониб топширади.
Денисов бошқа клубга ўтадиган бўлди
“Москванинг «Локомотив» клуби футболчиси саналадиган ватандошимиз Виталий Денисов июль ойида «Рубин» футболчисига айланади”,-деб ёзмоқда «Fotbaal 24» нашри. Манбаанинг хабар беришича, Денисов «Рубин» клуби билан шахсий шартнома борасида келишувга эришган ва ҳозирда тиббий кўрикдан ўтмоқда. «Рубин» собиқ терма жамоамиз ўйинчиси билан 2 йиллик шартнома тузишга жуда яқин турибди.
Денисовнинг «Локомотив» билан тузган шартномаси Июль ойида ўз якунига етади ва у «Рубин» сафига эркин агент сифатида бориб қўшилади.
