Хабарингиз бор, “Локомотив” Суперлиганинг 12-турида “Динамо”га имкониятни бой бергач, клуб мураббийлар штабида ўзгариш рўй берди.
Шу пайтгача “темирйўлчилар”га устозлик қилиб келган Андрей Фйодоров истеъфога чиқиб, унинг ўрнига Самвел Бабаян бош мураббий этиб тайинланди. Кеча “Локомотив” футболчилари Самвел Вячеславович қўл остида дастлабки машғулотни ўтказишди.
“Локомотив”нинг бугунги машғулоти “Локомотив” стадионида олиб борилди. Самвел Бабаянга машғулот жараёнида мураббийлар штабига янги қўшилганлардан Григорий Колосовский (ёрдамчи мураббий), Антон Мейранов (дарвозабонлар мураббийи) ва Фахриддин Исамуҳамедов (жамоа маъмури) ёрдам беришди.
Машғулот қизғин руҳда кечди. Футболчилар машғулотда астойдил ўзларини кўрсатишга ҳаракат қилишди.
Эслатиб ўтамиз, “Локомотив” навбатдаги учрашувни Суперлига 13-тур доирасида ўз майдонида “Сўғдиёна”га қарши ўтказади. “Локомотив” стадионида 29-июн куни кечадиган баҳс 18:00да старт олади.
