Соса Соlа Суперлиганинг 13-туридан ўрин олган «Динамо» - «Бунёдкор» (1:2) учрашувидан кейин меҳмонлар устози Вадим Абрамов ОАВ ходимларининг саволларига жавоб қайтарди.

- Ўйлашимча, ҳисоб ўйинга мос бўлди. Стадионга ташриф буюрган ишқибозларга ҳам ўйин маъқул бўлди, деб ўйлайман. Самарқандда ўйнаш доимо завқ бағишлайди. «Динамо» яхши, келажаги бор жамоа. Бугун ҳам кўрдик, мезбонлар кучли иштиёқ эвазига ҳаракат қилди, айрим вазиятларда уларга тажриба етишмади.

Пенальти? Фикримча, бу 100 фоиз пенальти. Ўйлашимча, мезбонлар ўз уйида ютқазгани учун қизиққонлик қилишяпти. Рақиб бу йил ҳисобидан ҳали ўз уйида ютқазмаганини билардим. Ўз майдонида қандай ўйнашини ҳам тахмин қилгандим ва тахмин қилганимдек бўлди. Шунчаки, биз ўз даражамизда ўйнамаганимиз ва ҳали ҳисоб 0:1 бўлиб турганида вазиятлардан фойдаланмаганимиз сабабли бироз қийналдик. Қолаверса, кераксиз жойда ўз дарвозамиздан тўп олиб чиқдик. Ўйин охирида омад биз тарафда бўлди ва ғалаба тўпини киритдик.