Coca-Cola Суперлигаси 13-туридан ўрин олган “Насаф” – “Сурхон” учрашувидан сўнг жамоамиз катта мураббийи Шухрат Тошпулатов беллашув ҳақида ўз фикрларини билдирди.
- Авваламбор бугун жамоамизнинг мухлисларини ишончли ғалаба билан табриклайман. Учрашув ҳақида гапирадиган бўлсам, бугунги рақибимиз анча тажрибали жамоа. Уларнинг таркибида юқори савиядаги футболчилар йиғилган. Шунга қарамасдан бугунги учрашувга яхши тайёрланган эдик ва рақибимизга нисбатан яхшироф ўйин кўрсатдик. Яратилган вазиятлардан 1-бўлимда унумли фойдалана олмадик. Танаффусдан сўнг бош мураббийимизнинг курсатмаларини футболчиларимиз тўғри бажаришди ва керакли натижага эришилди.
