"Ювентус" клуби 19 ёшли ҳужумчи Мойзе Кин билан хайрлашиши мумкин.
Ёш футболчининг сотилишига аргентиналик ҳужумчи Гонсало Игуаиннинг клубдан кетишдан бош тортгани сабаб бўлмоқда.
"Милан" ва "Челси"да омадсиз мавсумларни ўтказиб қайтган Игуаин туринликлар сафини тарк этмоқчи эмас. У ўзнинг нималарга қодирлигини жамоанинг янги бош мураббийи Маурицио Саррига исботламоқчи, шунинг учун "Рома" ва "Вест Ҳэм" клубларидан тушган таклифларни кўриб чиқмоқчи эмас.
Шу сабабли "Ювентус" Кинни тўлиқ сотмоқчи ёки ижарага бермоқчи. Бу футболчига "Эвертон" ва "Аякс" клублари қизиқмоқда. Футболчининг отаси ўғлининг "Интер"да ўйнашини истамоқда.
