АГМК жамоаси чемпионатнинг иккинчи қисмига жиддий тараддуд кўрмоқда.

АГМК жамоасининг Суперлигадаги иккинчи давра тақвимига назар ташлайдиган бўлсак, июль ойи сўнггида чемпионат доирасида иккита баҳс ("Металлург", "Андижон") ўтказамиз.

Келаси ой августда чемпионат доирасида ("Навбаҳор", "Пахтакор", "Сўғдиёна") учта, Лига Кубоги (чорак финал) ва Ўзбекистон кубогидаги (нимчорак финал) иштирокни инобатга олсак, яна камида 2та беллашувда иштирок этамиз. Агарда амалдаги ғолиби бўлиб турган мусобақамиз Ўзбекистон кубоги нимчорак финалида зафар қучадиган бўлсак, унда августда қўшимча яна 1 ўйин ўтказамиз.

Куз фаслининг дастлабки ойи сентябрда эса чемпионат доирасида учта ("Динамо", "Сурхон", "Насаф") баҳс ўтказилиши режалаштирилган. Агарда Ўзбекистон кубогидаги (ярим финал) иштирок муваффақиятли давом этса, унда кузнинг илк ойида ўйинларимиз сони тўрттага етади.

Октябрь ойида эса жамоамиз Суперлига доирасида иккита ("Бунёдкор", "Локомотив"), эҳтимолий Ўзбекистон кубоги (финал) ва Лига кубогидаги (ярим финал) зафарли юриш натижасида жами 4та ўйин ўтказашимиз мумкин.

Ноябрда эса чемпионат доирасидаги сўнгги учта ("Қўқон-1912", "Қизилқум", "Бухоро") ўйин ўтказилади. АГМК Лига Кубоги финалига қадар боришни уддаласа, унда мавсумнинг сўнгги қисмидаги ойда ўйинларимиз сони биттага кўпаяди, яъни тўртта бўлади.