"Барселона" Бетис билан чап қанот ҳимоячи Жуниор Фирпо трансфери борасида келишувга яқин турибди.
Жуниор Фирпо "Барселона"га ўтишга яқин турибди, деб хабар беради журналист Жанлука Ди Марцио.
Журналист берган маълумотга кўра, битим якунига етиш арафасида.
"Бетис" 23 ёшли футболчи учун тахминан 27 миллион евро олади.
Шунингдек, The Guardian журналисти Фабрицио Романо икки клуб ўртасида фаол музокаралар олиб борилаётганини тасдиқлади.
Аввалроқ, "Реал" ҳам Фирпога даъвогарлик қилаётганди, аммо "Барселона" испаниялик билан деярли келишувга эришиб бўлди.