Ўзбекистон Республикаси Президенти Ш.Мирзиёевнинг 2018 йил 16 мартдаги  “Республикамизнинг барча ҳудудларида футболни ривожлантириш тўғрисида”ги қарори ижросини таъминлаш мақсадида Наманганнинг “Косонсой” жамоаси ташкил этилган эди.

Хабарингиз бор, Ўзбекистон чемпионати 2-лигасида қатнашаётган “Косонсой” жамоаси биринчи даврани 26-очко билан пешқадам сифатида якунлади.

Ўз олдига Про-Лигага чиқишни мақсад қилган “косонсойлик”лар айни кунларда 2-даврага тайёргарлик олиб бормоқда.

Жамоа таркиби сезиларли даражада кучайтирилмоқда. Хусусан, таниқли мураббий Меҳмон Солихўжаев жамоа бош мураббийи этиб тайинланди.

Аввалги йилларда “Навбаҳор” клубида ўйнаган Ислом Жўраев, Абдумалик Абдуллаев, Аюбхон Гаппаров, Азиз Маткаримов, Санжар Тошпўлатов, Соҳиб Абдуллаев каби футболчилар келиши мумкин.

Шунингдек маълумотларга қараганда, “Косонсой” таркибига икки нафар камерунлик футболчи келиб қўшилиши кутилмоқда.