Болгариянинг София шаҳрида спорт курашлари бўйича ўсмирлар ўртасида жаҳон чемпионати бўлиб ўтмоқда.
Хабар берганимиздек, мусобақани эркин курашчилар бошлаб беришди ва биричи кун терма жамоамиз учун муваффақиятли якунланди.
Баҳсларни бошлаган 3 курашчимизнинг барчаси бугун шоҳсупага кўтарилиш имкониятига эга ва уларнинг икки нафари олтин медаль учун кураш олиб боришади. Эътиборлиси, ҳар иккисининг рақиби ҳам эронлик. -55 килограмм вазн тоифасида курашаётган Буэнос-Айрес ўсмирлар Олимпиадаси чемпиони Умиджон Жалолов ва -48 килограмм вазнда Камронбек Қадамов финалда ўз омадини синаб кўради. Қолаверса, Қудратбек Нуруллаев (-65 кг) бронза медали учун баҳс олиб бориши белгилаб қўйилган.
Финал:
-48 кг: Камробек Қадамов – Раҳмон Амузадҳалили (Эрон)
-55 кг: Умиджон Жалолов – Маҳди Вайси (Эрон)
Бронза медали учун:
-65 кг: Қудратбек Нуруллаев – Маниш Госвами (Ҳиндистон)
Шунингдек, бугун мусобақанинг иккинчи кун доирасида қуйидаги курашчиларимиз саралаш доирасида иштирок этишади:
-45 кг: Муҳаммадбобур Мамажонов – Владислав Никандров (Қирғизистон)
-51 кг: Арслон Раҳимов – Ҳамзат Арсамерзуев (Франция)
-71 кг: Шоҳруҳ Жўраев – Александр Факундо (АҚШ)
-92 кг: Равшанбек Жумабоев – Филип Вишневски (Польша)
