Ўзбекистон Суперлигаси 15-тур ўйинлари якунига етди. Ҳар доимгидек тур лауретларини эълон қилишда давом этамиз.
Stadion.uz талқинига кўра, Суперлига 15-турининг энг яхши дарвозабони деб "Металлург" посбони Александр Лобанов топилди.
Лобанов “Насаф”га қарши баҳсда ажойиб сейвлар амалга ошириб,кўплаб вазиятларда жамоасини муқаррар голлардан қутқариб қолди. Шу тариқа, Лобанов жамоасини сафардан 3 очко билан қайтишини таминлади. Шунингдек Лобанов мазкур турнинг рамзий терма жамоасидан ҳам ўрин олди.
Эслатиб ўтамиз, Александр Лобанов сайтимиз талқинига кўра учинчи марта тур дарвозабони дея топилди.
