"Реал" клуби «ПСЖ» ҳужумчиси Неймарнинг трансфери борасида иш олиб бормоқда.

Marca нашри тарқатган хабарга кўра, 27 ёшли футболчи учун курашда "Қироллик клуби" етакчилик қилмоқда. Парижликлар президенти футболчи агенти Пини Захавига мадридликлар билан музокара олиб бориш вазифасини топширди. Маълумотларга қараганда, агент "Реал" билан келишувга эришган.

«Мадрид» янги мавсум бошлангунга қадар Неймарнинг трансферини расмийлаштиришни режалаштирмоқда. Жамоа Ла лиганинг 1-турига қадар бунга улгурмаса, бу ишни ёзги мавсум охирига қадар (2 сентябрь) трансферни амалга оширмоқчи. Бунинг учун «Реал» аввало бир неча нафар футболчиларни сотиши лозим. Гап, биринчи навбатда, ярим ҳимоячилар — Гарет Бэйл ва Хамес Родригес ҳамда ҳужумчи Мариано Диас ҳақида кетмоқда.

Трансфер суммаси 200 миллион еврони ташкил этади. «ПСЖ» ушбу трансферга қайсидир футболчининг киритилишини истамаяпти. «Реал» бош мураббий Зайниддин Зидан Неймарнинг ўтишига розилик берди.

Неймар учун «Барселона» ҳам кураш олиб бормоқда. Аммо «ПСЖ» уни каталонияликларга сотишни истамаяпти.