«Рома» клуби ҳужумчи Эдин Жеко билан шартнома узайтирилгани ҳақида маълумот тарқатди. Янги келишувга кўра, 33 ёшли футболчи 2022 йилнинг 30 июнига қадар Римда фаолият олиб боради.
«Ўтган мавсум якунланишидан аввал шундай қарорга келган эдик. Жеко – шундай устунки, унинг атрофида жамоа қуриш мумкин», – дея изоҳ берди «Рома» бош директори Гвидо Фиенга.
Эслатиб ўтамиз, ушбу ёзги трансфер пайтида босниялик футболчига «Интер» қизиқиш билдирган эди. Жеко 2015 йилдан бери «Рома» шарафини ҳимоя қилиб келади.