Италия чемпионатининг янги мавсуми "Милан" учун муваффақиятли бошланмади. "Россонери" сафарда "Удинезе" меҳмони бўлиб, кичик ҳисобда имкониятни бой берди.

Биринчи бўлимда ҳисоб очилмади. Уденеликлар иккинчи таймда фаоллик оширишди ва бунинг учун мукофотланишди. Ўйин тугашига 18 дақиқа қолганида Родриго Бекао "Милан" дарвозасини ишғол қилиб, "Удинезе"га 3 очкони тақдим этди.

Италия чемпионати, 1-тур
Удинезе – Милан 1:0 (0:0, 1:0)
Гол: 1:0 – 72 Родриго Бекао.
Удинезе – Муссо, Пеццелла (Сема, 81), Трост-Эконг, Родриго Бекао, Ларсен, Фофана (Несторовски, 71), Яяло, Пуссетто (де Пауль, 71), Мандрагора, Самир, Лазанья.
Милан – Доннарумма, Романьоли, Родригес, Мусаккьо, Калабрия, Кастильехо (Рафаэл Леау, 75), Лукас Пакета (Беннасер, 76), Сусо, Чалханоглу, Борини (Кессиэ, 60), Пионтек.
Огоҳлантиришлар: Лукас Пакета (21), Чалханоглу (34), Борини (44), Яяло (45).