Испания чемпионатининг 4-тури доирасида мавсум пешқадами "Атлетико" сафарда "Реал Сосьедад" меҳмони бўлди.  "Аноэта"даги баҳсда "матрасчилар" ушбу мавсумда илк марта очко йўқотди.

Басклар ўз уйиларидаги дастлабки ўйинни юқори иштиёқ билан ўтказишди ва кучли рақибни мағлуб этишди. Улар биринчи бўлимда голга тортадиган 3та вазият яратиб, улардан фойдалана олишмади.

Иккинчи бўлимда эса сан-себастянликлар 3 дақиқа ичида иккита гол уриб, амалда ўйин тақдирини ҳал қилиб қўйишди. Эътиборлиси, Начо Монреаль "Реал Сосьедад" сафида дебют учрашувида гол урди.

Учрашувнинг сўнгги дақиқаларида Симеоне шогирдлари олдинга ташланишди. Аммо мезбонлар посбони Мигель Анхель Мойя иккита вазиятда жамоани муқаррар голдан қутқариб олди.

Шу тариқа, "Реал Сосьедад" ўз очколарини 7тага етказиб, жадвалда 4-ўринга кўтарилиб олди. "Атлетико" эса мағлубиятга қарамай, пешқадамлик қилишда давом этади.

Испания Ла лигаси, 4-тур
Реал Сосьедад – Атлетико 2:0 (0:0, 2:0)
Голлар: 1:0 – 58 Эдегор, 2:0 – 61 Монреаль.
Реал Сосьедад – Мойя, Монреаль, Льоренте, Сальдуа, Элустондо, Эдегор, Мерино (Сурутуса, 83), Ойарсабаль, Субельдия, Порту (Янузай, 83), Исак (Виллиан Жозе, 73).
Атлетико – Облак (Адан, 66), Хименес, Савич, Лоди, Триппьер, Лемар (Льоренте, 46), Сауль, Витоло, Коке, Жоау Феликс (Корреа, 57), Диего Коста.
Огоҳлантиришлар: Субельдия (45), Триппьер (51), Льоренте (60), Диего Коста (69).